അരികില് നീ ഉണ്ടായിരുന്നെങ്കിലും സഖീ
നിന്നെ കാണാന് കഴിയാതെ കടന്നു പോയി
ഒന്നറിയാന് കഴിയാതകന്നു പോയി
കാതിലൊരു കാലൊച്ച കേള്ക്കും നേരം
നിന് പാദസരത്താളം കൊതിച്ചിരുന്നു
നക്ഷത്രദീപങ്ങള് മാനത്തെ മണ്ചിരാതില്
മിന്നിത്തിളങ്ങുന്ന നേരമെല്ലാം
ചാരെയണഞ്ഞെന്റെ മാറിലെ ശ്രീലക-
വാതില് തുറന്നു നീ പുഞ്ചിരിച്ചു
നിന് സുസ്മേരസൂനമെല്ലാം ഞാനിറുത്തു
ദൂരെയൊരു കോകിലം പാടും നേരം
നിന് കൊഞ്ചല് കിളിനാദം കൊതിച്ചിരുന്നു
വെള്ളിക്കിരണങ്ങള് ആമ്പല്പ്പൂക്കുളത്തട്ടില്
ചിന്നിപ്പൊഴിയുന്ന നേരമെല്ലാം
താനേ അടയുന്ന നിദ്രാക്കവാടത്തിന്
ഓടാമ്പല് മെല്ലെയുടഞ്ഞു വീണു
നീ വാതില് തുറന്നുവെന്നില് കൂട്ടിരുന്നു
