ഒന്നും പറയാതെ പോയതെന്തേ
വിട ചൊല്ലാതെ നീ പോയതെന്തേ
പ്രേമത്തിന്‍ മഴത്തുള്ളി വീഴ്ത്തി നീ വേഗം
കാറ്റിലലിഞ്ഞെങ്ങോ മറഞ്ഞതെന്തേ
ജീവനില്‍ നീ തെളിച്ച ദീപങ്ങള്‍
ഇന്നെന്‍ നിശ്വാസത്തില്‍ കരിതിരിയായ്‌
കണ്ണുകള്‍ നൊമ്പരം മറക്കുവാനായി
ആ തിരികളെ കുതിര്‍ക്കുന്നു
ആ കരിതിരി കെടുത്തുന്നു (ഒന്നും)
പ്രാണനില്‍ നീ ചൊരിഞ്ഞ പുഷ്പങ്ങള്‍
മനം നോവും കാറ്റില്‍ കരിയുകയായ്‌
നിന്മുഖം ഓര്‍മ്മയില്‍ മായാതിരിക്കുവാന്‍
ആ മുകുളങ്ങള്‍ തളിര്‍ക്കുന്നു
എന്‍ നയനങ്ങള്‍ നനയ്ക്കുന്നു (ഒന്നും)
എന്‍ നയനങ്ങള്‍ നനയ്ക്കുന്നു (ഒന്നും)
