വിണ്ണില്‍ പൂത്ത സുരസൌന്ദര്യമേ
മണ്ണില്‍ നിന്നെയിന്നു കണ്ടെത്തി ഞാന്‍
എന്റെ സ്വപ്നങ്ങളും സര്‍ഗ്ഗസങ്കല്പവും നിന്നെ തേടും നേരം
വന്നു നീ എന്‍ വര്‍ണ്ണവാസന്തമായ്
പൂജാരിയായ് നിന്റെ സാരള്യമെന്‍
മനക്കോവില്‍ തുറന്നു പ്രതിഷ്ഠിച്ചു ഞാന്‍
സോപാനം മീട്ടി പാടീടാം എന്നും
നിനക്കു മുരളിയുണര്‍ത്തുപാട്ടു പാടും
ഉണരുമുഷസ്സിലനിലനേറ്റു പാടും
കൂടെ ഞാനും താളം തേടുന്നു (വിണ്ണില്‍ )
നിന്‍ഹാസവും കാന്തഭാവങ്ങളും
അകച്ചെപ്പില്‍ നിറച്ചു നിറച്ചാര്‍ത്തുമായ്
പൊന്നൂലിന്‍ തുണ്ടാല്‍ പൂഞ്ചേലാട്ടീടാം
സരളമരുകചലനമോടെയാടും
കരളിലമരുമലരും കൂടിയാടും
കൂടെ ഞാനും താളം തേടുന്നു (വിണ്ണില്‍ )
