ചേതോഹരം നിന്‍ ചഞ്ചല മിഴികള്‍ക്കുള്ളില്‍
നിന്നുതിരും സ്നേഹത്തിന്‍ ഇന്ദ്രനീലക്കതിര്
പ്രണയം മധുവായൊഴുകും ചൊടിയിണയില്‍ പുഞ്ചിരിപ്പൂവഴക് ...
പൂത്തിരുവാതിരനാളില്‍ കയ്യില്‍ താലം തിളങ്ങി
ചാരേയണഞ്ഞു നീ പൊന്‍ തള കാലില്‍ കിലുങ്ങി
നാളെത്ര പോയിരുന്നാലും നിന്‍ കണ്ണിലെ തിരയിളക്കം
എന്‍ നെഞ്ചില്‍ നിറപൊലിയായ് നിശ്ചയം കാത്തിടും ഞാന്‍ (ചേതോഹരം)
താരുണ്യമാളുന്ന മേനി നിന്നില്‍ കാലം വിടര്‍ത്തി
താരങ്ങള്‍ നീല വാനില്‍ വരമാല്യം നിവര്‍ത്തി
നീയെത്ര ദൂരെയായാലും എന്‍ നെഞ്ചിലെ തുടിതരംഗം
നിന്‍ മാറില്‍ പ്രിയമൊഴിയായ് നീ നിറച്ചീടുകെന്നും (ചേതോഹരം)
